न्युयॉर्क- उजव्या मनगटाच्या दुखापतीमुळे भारताची टेनिसपटू सानिया मिर्झा हिला मियामी येथे होणा-या सोनी एरिक्सन खुल्या टेनिस स्पर्धेतून अंग काढून घ्यावे लागले आहे. या स्पर्धेसाठी 2.1 दशलक्ष डॉलर्सचे पारितोषिक आहे.
मनगटाच्या दुखण्याने डोके वर काढल्यामुळे सानियाला गेल्या आठवड्यात पॅसिफिक लाइफ खुल्या स्पर्धेतील चौथ्या फेरीतही पराभव पत्करावा लागला होता. सोनी एरिक्सन स्पर्धेसाठी सानियाला 29वे मानांकन प्राप्त झाले होते. त्याचप्रमाणे पहिल्या फेरीत बाय मिळाल्यामुळे तिचा मुकाबला थेट दुस-या फेरीत जर्मनीच्या सबाईन लिसिकी हिच्याशी होणार होता.
मात्र मनगटाची दुखापत बरी न झाल्यामुळे सानियाला स्पर्धेबाहेर व्हावे लागले आहे. सानिया स्पर्धेतून बाहेर पडल्यामुळे युक्रेनच्या मारिया कोरीत्सेवाला सोनी एरिक्सन स्पर्धेत खेळण्याची संधी मिळाली आहे.
न्युयॉर्क- उजव्या मनगटाच्या दुखापतीमुळे भारताची टेनिसपटू सानिया मिर्झा हिला मियामी येथे होणा-या सोनी एरिक्सन खुल्या टेनिस स्पर्धेतून अंग काढून घ्यावे लागले आहे. या स्पर्धेसाठी 2.1 दशलक्ष डॉलर्सचे पारितोषिक आहे.
