चेन्नई - सलामीवीर वीरेंद्र सेहवागच्या 61 चेंडूतील तडाखेबंद 52 आणि वासीम जाफरच्या सावध 25 धावांच्या जोरावर दुस-या दिवसाअखेर दक्षिण आफ्रिकेच्या 540 धावांच्या आव्हानाला भारताने बिनबाद 82 असे चोख प्रत्युत्तर दिले.

येथे सुरू असलेल्या पहिल्या कसोटी क्रिकेट सामन्यात दक्षिण आफ्रिकेने आपल्या पहिल्या डावात 540 धावांचा डोंगर उभा केला आहे.

भारतीय डावाची सुरूवात करताना सेहवागने त्याच्या चिरपरिचीत शैलीत गोलंदाजांवर हल्ला चढवला. त्याने सहा चौकार व एका षटकाराच्या मदतीने 61 धावा केल्या. दुस-या टोकाकडून जाफरने त्याला चांगली साथ दिली. भारत अजूनही 458 धावांनी पिछाडीवर असून फॉलोऑन टाळण्यासाठी 259 धावांची आवश्यकता आहे.

Source : PTI