नवी दिल्ली- चलनफुगवट्याच्या दराने आणखी नवीन उच्चांक प्रस्थापित केला असून गेल्या 26 एप्रिल रोजी संपलेल्या आठवड्यात तो 7.61 टक्के नोंदविला गेला आहे. त्याअगोदर संपलेल्या आठवड्यात चलनफुगवट्याचा दर 7.57 टक्के होता.
गेल्या 26 एप्रिल रोजी संपलेल्या आठवड्यात चहापत्तीचे दर 11 टक्क्यांनी वाढले तर फळे-भाज्यांचे भाव एक टक्क्याने वाढले. मासे तसेच अन्य समुद्री पदार्थांचे दर दोन टक्क्यांनी वाढले तर मसाल्यांच्या दरांत तीन टक्क्यांची वाढ नोंदविली गेली.
मात्र डाळींचे भाव जवळपास एक टक्क्याने कमी झाल्याचे दिसून आले. उत्पादित मालापैकी तिळाच्या तेलाचे दर एक टकक्याने तर आयात केलेल्या खाद्य तेलाचे भाव चार टक्क्यांनी वाढले. सिमेंट व अल्युमिनियमचे भाव वाढले तर स्टीलचे दर मात्र या आठवड्यात कमी झाले.
