मुंबई - मुंबई शेअर बाजारात या आठवड्याच्या सुरुवातील सुरू झालेली घसरण आज शेवटच्या दिवशीही कायम राहिली आणि निर्देशांकात तब्बल 343.58 अंकांची घसरण झाली.
गेल्या चार सत्रांत निर्देशांकात तब्बल 520 अंकांची घसरण झाली आहे. आजच्या घसरणीनंतर निर्देशांक 16,737.07 अंकांवर बंद झाला. दिवसभराच्या कामकाजादरम्यान निर्देशांकाने 16,679 अंकांचा उच्चांक गाठला होता.
राष्ट्रीय शेअर बाजार निर्देशांक निफ्टीतही आज 99.10 अंकांची घसरण होऊन 4,982.60 अंकांवर बंद झाला.
खनिज तेलाच्या किमतीत झालेली वाढ व तेल व नैसर्गिक वायू क्षेत्रातील कंपन्यांच्या समभागांच्या झालेल्या विक्रीमुळे निर्देशांकात ही घसरण झाली.
