अहमदाबाद - हरभजन सिंगकडून जलदगती गोलंदाज श्रीसंतच्या श्रीमुखात लगावण्याच्या घटनेची चौकशी करण्यासाठी नेमलेल्या भारतीय क्रिकेट मंडळाच्या सुधीर नानावटी यांच्या अध्यक्षतेखालील समितीने आज दोघांचेही म्हणणे ऐकून घेतले. याप्रकरणी ही समिती आता सोमवारी आपला अहवाल देणार आहे.
नानावटी यांना या प्रकरणी माध्यमांशी बोलण्यास मनाई करण्यात आली आहे. ते आपला अहवाल बीसीसीआयचे अध्यक्ष शरद पवार यांना सोमवारी सादर करतील.
आज हरभजन व श्रीसंत हे दोघेही आपली बाजू मांडत असताना बीसीसीआयचे सचिव निरंजन शहा, बोर्डाचे वकील अकिला उपस्थित होते. चार व्हीडीओ कॅमे-यांच्या मदतीने ही सुनावणी रेकॉर्ड करण्यात आली आहे.
याबाबत निरंजन शहा हे सायंकाळी माध्यमांशी बोलतील, अशी माहिती सूत्रांनी दिली.
नानावटी यांनी हरभजनने श्रीसंतवर केलेल्या हल्ल्याचे चित्रण पाहून धक्का बसल्याची प्रतिक्रीया दिली होती.
