हुबळी- कर्नाटकातल हुबळी येथील एका सत्र न्यायालयाच्या दालनात आज दुपारी बॉम्बस्फोट झाला. मात्र आज सुट्टीचा दिवस असल्याने सत्र न्यायालयाचे दालन रिकामे होते. त्यामुळे या स्फोटात कोणत्याही प्रकारे जीवितहानी झालेली नाही.
हुबळी येथे नुकतेच काही दहशतवादी पकडण्यात आले होते. या दहशतवाद्यांविरोधातील खटला ज्या न्यायालयात चालला होता त्याच न्यायालयाच्या दालनात हा स्फोट झाल्यामुळे दहशतवाद्यांकडून इशारा दिला जाण्याचा हा प्रकार असल्याची शक्यता पोलीस सूत्रांनी व्यक्त केली.
कर्नाटकात आज विधानसभा निवडणुकांच्या पहिल्या टप्प्यासाठी मतदान चालले आहे. मात्र पहिल्या टप्प्यासाठी मतदान चाललेल्या मतदारसंघांमध्ये हुबळी जिल्ह्यातील मतदारसंघांचा समावेश नाही.
