नवी दिल्ली- आयपीएल स्पर्धेतील डेक्कन चार्जर्स संघाविरुद्धचा सामना कोलकाता नाईट रायडर्सनी जिंकला असला तरी सौरव गांगुलीच्या या संघाला स्पर्धेत सलग दुस-यांदा षटकांच्या संथ गतीबद्दल दंड ठोठावण्यात आला आहे. कालच्या सामन्यात कोलकाता नाईट रायडर्स अपेक्षित वेळेच्या दोन षटके मागे होते.
सामनाधिकारी तलत अली यांनी कोलकाता नाईट रायडर्स संघाला षटकांती गती संथ ठेवल्याबद्दल एक हजार अमेरिकी डॉलर्सचा दंड ठोठावला.
आयपीएल स्पर्धा आंतरराष्ट्रीय क्रिकेट परिषदेच्या नियमांनुसारच खेळली जात आहे. मागील सामन्यातही कोलकाता नाईट रायडर्सना षटकांची गती मंद ठेवल्याबद्दल पाचशे डॉलर्सचा दंड झाला होता.
