सुरत - सुरत शहर आणि आसपासच्या परिसराला आज दुपारी बसलेल्या भूकंपाच्या मध्यम स्वरुपाच्या धक्क्याने जनतेत काहीशी घबराट उडाली होती. रिक्टर स्केलवर या भूकंपाची तीव्रता 3 मोजण्यात आली.
भूकंपाचा धक्का जाणवताच उंच इमारतीतील लोक घाईघाईत इमारतीबाहेर पडले. रणदेर व तारावाडी परिसरातील नागरिक प्रचंड उष्म्याच्या सामना करावा लागू नये, यासाठी घरातच होते, त्याचवेळी त्यांना हा धक्का जाणवल्याचे पोलीसांनी सांगितले. या भूकंपानंतर कोणत्याही प्रकारची जीवित अथवा वित्तहानी झाल्याचे वृत्त नसल्याची माहितीही पोलीसांनी दिली.
