नवी दिल्ली- चलनफुगवट्याने सलग तिस-या आठवड्यात अकरा टक्क्यांचा टप्पा ओलांडला असून गेल्या 21 जून रोजी संपलेल्या आठवड्यात तो तब्बल 11.63 टक्के नोंदवला गेला आहे.
फळे, भाज्या, खाद्य तेल, चहा, मसाले, सागरी मासे, सिमेंट, लोखंड, स्टील आदींच्या दरांत वाढ झाल्यामुळे चलनफुगवटा वाढल्याचे संबंधित सूत्रांनी सांगितले.
त्याअगोदरच्या आठवड्यात चलनफुगवटा 11.42 टक्के इतका नोंदवला गेला होता. देशातील चलनफुगवट्याचा तो गेल्या 14 वर्षांतील उच्चांक होता.
