नवी दिल्ली - पंतप्रधान मनमोहन सिंग यांच्या नेतृत्वाखालील संयुक्त पुरोगामी आघाडी सरकारचे भवितव्य निश्चित करणा-या लोकसभेच्या विशेष अधिवेशनाला आज सकाळी सुरुवात झाली.
बहुतांश सदस्यांची उपस्थिती पाहून सभापती सोमनाथ चॅटर्जी यांनी समाधान व्यक्त केले. त्याआधी नवीन सदस्यांना शपथ देऊन काम सुरू करण्यात आले. लोकसभेचे सदस्य नसलेल्या पंतप्रधानांनी यावेळी विश्वासदर्शक ठराव मांडला.
संयुक्त पुरोगामी आघाडी आणि विरोधक यांच्याकडे सध्या जवळपास सारखेच उमेदवार आहेत, त्यामुळे मंगळवारी प्रत्यक्ष विश्वासदर्शक ठरावावरील मतदानादरम्यान काय घडेल, याची सर्वांनाच उत्सुकता लागून राहिली आहे.
अमेरिकेसोबतच्या नागरी अणू सहकार्य कराराच्या पार्श्वभूमीवर डाव्या पक्षांनी सरकारचा पाठिंबा काढून घेतल्याने सरकारने हा विश्वासदर्शक ठराव मांडला आहे.
